MARŪA MA RWĪGĪ KŪRĪ NGŪKŪ

MARŪA MA RWĪGI KŪRĪ NGŪKŪ (The letter from the Eagle? Hawk? to the Hen)

Kúrí Ngúkú,

Wambere nií ndingíona ngeithi cia gúkúgeithia rwenji rwakwa rútonekete. Wakerí ngúmenyithie atí wee níwe múhítia tondú níwatiganire na nyamú cia múhíriga waku, úgíthií kwíhitha kwa múndú. Tuge wakinya kwa Múndú wonire tarí úndú múnene múno? Ríu-rí, tiga gúteta atí matumbí ma mútumia waku nímariagúo ní Múndú. Githí towe wamútwaríire?

Kwí hingo Múndú okíte gúkú ríera-iní tútúraga akuiga atí ní ekwenda matumbí maku?. Mathína maría mothe úrona níwe wereheire. Ní maita maigana njiguaga andú a múhíríga waku magíkaya ríría maroragúo ní Múndú?. Taririkana múthenya úría Múndú arí na ageni mookíte gúcera? Ní icamba cigana cioragirúo?. Ukúrío ní thína ní úndú wa úrimú waku! Ríría we úkohíga-rí, ní úgacoka gúkú tútúraga mítí igúrú, matumbí maitú gútirí múndú úríaga. We gítúre okúu okomboiní.

Nií Ngeretie gúcokia úrata witú nawe. Níngútúmíire múthuri ti húngú maita maingí oke akúmenyithie aíi nií ndikoragúo na úúru nawe, no ningí thiirí no múhaka úríhwo. Múthuri úcio hihi níagúkinyagíria úhoro? Níngúririkana múthenya úmwe okíte gwaku kíagainí; ríría mwamuonire múkíúra inyuothe múkííhitha rungu rwa ikúmbí. Anjírire atí múndú úria onire nowe, Gicamba, no akíenda guokoka, akíigua wínainegene ríingí nginya mútumia waku. Kaí we útúraga na mbaara hingo ciothe? Ríría úríona Múthuri ti húngú okíte gwaku, tiga kúúra kana kúnegena. Ndakoragúo na úúru. Korúo mahinda maría ndímútúmaga níúmwamúkagíra-rí, angíanakúhe ndúmíríri yakwa na túchokie thayú.

No ona gútuíka ní ndíretha thayú nawe, rwenji no múhaka njokerio. Gítúmi gia gwítia rwenji na hinya úguo nígútúma atí kuma rwenji ruora, ciana ciakwa nacio itirí cienjwo. Korwo we Ngúkú ní úkaga gwakwa no wíkíre úhoro úcio úira. Kaí ingíkíenda ciana ciakwa ihane ciaku?.  Mwene rwenji na múhoi maiganane?. Ona gúkírí kuoneka úguo?. Kaí níkí útangitúmana wíra wa gwetha rwenji?

Nií-rí, ndikwenda túhanane nawe. Gútíre úthoni túragúrana nawe atí níguo túciire. Githí ti úrehe rwenji úhoro úthire?. Waga kúrehe na ihenya rwenji rúu, ndíúka kúu ndí wothe úmenye ndikomaga thí tawe. Ona wakírúo ciugú mírongo, nií ndíúka ndicitharúranie, ngúkue we ona ciana ciaku.

Ní Nií Rwígí wa Igúrú

Test your Kikuyu Knowledge.

What are the English names for these Birds of Prey?

Nderi –
Magogo –
Húngú –
Rwígí –

More good reads

>>> MARŪA MA NGŪKŪ KŪRĪ RWĪGĪ

Follow Kikuyuland on Twitter

Source of the story: “Mīthomere ya Gīkūyū Ibuku rīa Gatatū” by Patrick M. Kamau

Check out Other Stories

Add a Comment

Your email address will not be published. Required fields are marked *