Thithia Part 4: Ūrīa Thithia Oragire Mútunyani Ūmwe

Rúgano Rwa Mwanake Njamba Nene Wetagwo Thithia

Thithia na Mútunyani

Thithia arīkia kúraga múthamaki úcio waarī múúru, Thithia agītheca njīra aikúrúkīire gītuamba kīarī ho kīnene. Ee hakuhī gútuīkania akīona múndú aikúrúkīte ateng’erete na ihenya inene. Múndú úcio ehumbīte nguo ciarī riri múno o na akeyoha mathaga ma thahabu mahenagia múno.

Amúkuhīrīria akīmwanīrīra akīmwīra, “Kaī nī wega ndakuona-ī, huruka tiga gúthiī amu nī nguona únogete múno. Ūka túthiī múciī nawe amu gútirī úndú múnene ta gútuga ageni. Ūka túthiī úkarīe na úkanyue o na úkome igúrú rīa úrīrī wakwa mwega múno, na wī ngumo, amu gútirī múndú o na úrīkú útaiganagīra o na angīkorúo nī múraihu kana nī múkuhī. Ningī ngakúganīre ng’ano cia mabúrúri marīa útoī o na niī úng’anīre ciaku”

Múndú úcio akīnyvta Thithia guoko akīmúgiria athiī. Thithia o na endaga gúthiī akīona thoni tondú wa úrīa ariingīrīirio mathiī nake, ningī akīenda kuona úrīrī úcio mwega úguo o na makīria ma úguo aarī múhútu. No Thithia no aiguaga mwīrī wake wī na ngunyīrīrī na akaigua guoya. Na rīrīa mambataga múndú úcio agīikia maitho na thutha akīona andú angī rúriī magīúka mena ndigiri ciao ikuīte mīrigo. Amona akiuga, “Hī! one arīa nao. Kaī nīwega ndamona-ī, amu úmúthī nī ngúkena ngītuga ageni aingī gwakwa.” Akīmútiga agīikúrúka amagīre.

Thithia akīmbataga o kahora, na athiathia agīkora Múthuri múkúrú múno akīīgia na ngú aremetwo nī kwīigīrīra. Múthuri úcio akīmwīta akīmwīra, “Mwanake úyú úka únjigīrīre amu ndī múkúrú múno na ndirī na hinya wa kuoya ngú ici.”. Aarīkia kúmúigīrīra Múthuri úcio akīmúrathima, agīcoka akīmúria atīrī, “Wee wī úú na úhotete atīa gúúkīra njīra īno njúru ya múúragani?” Tondú wa úrīa wanjīka wega, na niī nī ngúgwīka wega.

Kaī utoī atī kúrīa úrorete nī kwa múimwo nī irī, múúragani o na mútunyani. Hingo ciothe rīrīa ona agendi amaringagīrīria moke gwake no hatirī úcokaga kuumīra tondú etagīrīra rīrīa makoma úrīrī úcio egúkúganagīra, angīkorwo múndú nī múnene kúrī guo akoya ithanwa akamútinia magúrú ningī angīkorwo nī múnyinyi akamúgucúrúria magúrú na ngingo kinya agakua nī úndú wa kúniginúka. Niī no niī aregire kúúraga tondú nī ndaiganīire úrīrī úcio akīaga wa gwīka na ndúúraga gúkú mīaka múgwanja ndī ngombo yake.

O na wanyona ndaarī mútongu múno no rīú ndúúraga haha ndīmunagīra ngú na ngamútahīra maī. No ndanagīkua nī kīeha tondú wa kuona akīúraga andú. Wega no wīhithe rīu úthiī atanacoka amu ndarīkúiguīra tha. No rīrī, úkwīhithīra kú amu njīra no īyo muokīra hatīrī īngī?

Nake akīmúcokeria akīmwīra, “Hatīrī na bata wa kwīhitha. Ngúikúrúka túgatúngane nake.” Múthuri úcio akīmuma thutha akīinainaga akīmwīra ndakae kuuga atī nīwe wamwīra úhoro úcio. Maatúngana mútunyani akīmwīra, “Hī! anga nī únjetereire múno wathethuka?” Nake akīmúcokeria, “Múndú úrīa úgucúrúragia andú magúrú na akamatinia ciīga ciao agekwo atīa rīrīa maúúru mothe makaninwo thī?” Na kahinda o kau múndú úcio aigua úguo akīambīrīria kúgarúrúka agīthita gīthithi na agīcomora rúhiu rúake orage Thithia.

No atanaruta ruothe njora, Thithia akīmúguthúkīra akīmúnyita akīmúhihinyania na mahiga akīmúragia, “Múitú úyú nīguo wīkaga kana nī maheni?” Akīmuoya na igúrú akīmútengemania thī agicoka akīoya njúgúma yake akīmútorekia wega kinya agīkua.

Akua Thithia akīmúruta mathaga marīa mothe aarī namo moko o na magúrú, agīcoka agīthiīī gwake múciī agīkora kwarī na indo nyingī múno iria atunyaga agendi. Agītúmana andú arīa othe matunyitwo indo ciao moke. Moka akīmagayania indo icio ciothe na iria ingī akīhe athīni. Agīcoka agīīthīara.

Related Stories about Thithia

Other Resources

Follow Kikuyuland on Twitter

Check out Other Stories

Source: “Wīrute Gīkūyū, Ibuku rīa Gatatū” by Fred K. Kago

Add a Comment

Your email address will not be published. Required fields are marked *